Fræðsla

Dagsetningastillingar á verkefnum í Innu og Turnitin ber ekki saman, sjá muninn á dagsetningunum. Turnitin er með dagsetningu (Post Date) eða (Feedback Release Date) sem Inna býður ekki upp á að hægt sé að breyta. Það þýðir að það er ekki hægt að breyta þessari dagsetningu í gegnum Innu.

Það sem gerist þegar kennari býr til verkefni í Innu og tengir Turnitin við það, þá ákveður Inna að það opnist fyrir endurgjöfina í Turnitin mánuði eftir skiladag [Í Innu: Skiladagsetning/Hand in date = Í Turnitin: Due date eða Feedback Release Date). Þ.e. Inna setur sjálfkrafa  dagsetningu inn í Post Date/Feedback Release Date í Turnitin.

Þegar verkefni eru búin til í Innu þá setja kennarar dagsetningar inn fyrir skil og fleira. Þegar kennarar tengja Turnitin við skilaverkefnin í Innu þá nota þeir áfram dagsetningarnar í Innu. Það er því mikilvægt fyrir kennara að vita hvaða dagsetningar úr Innu vinna með Turnitin og hverjar ekki.

Dagsetningin sem birtir verkefni en leyfir ekki skil er eingöngu til í Innu en ekki Turnitin. Heiti hennar í Innu er á íslensku Birtist og á ensku Display date

Dagsetningin sem segir til um hvenær nemendur geta byrjað að skila verkefni er bæði til í Innu og Turnitin. Heitir hennar í Innu á íslensku er Opnunardagsetning og á ensku Opening date. Í Turnitin heitir þessi dagsetning Start Date.

Dagsetningin sem segir til um hvenær er síðasti möguleiki til að skila verkefni er bæði til í Innu og Turnitin. Heiti hennar í Innu á íslensku er Skiladagsetning og á ensku Hand in date. Í Turnitin heitir þessi dagsetning Due Date

Dagsetningin sem segir til um hvenær nemendur geta séð endurgjöf sem er veitt með Turnitin endurgjafaverkfærunum er ekki til í Innu. Þetta er dagsetningin sem hefur valdið kennurum, sem nota endurgjöfina í Turnitin innan Innu, vandræðum. Þessi dagsetning heitir í Turnitin Post Date eða Feedback Release Date. Kennarar geta séð þessa dagsetningu í gegnum viðmótið í Innu en geta ekki breytt henni þar. Inna setti til að byrja með skiladaginn þarna líka en gerði breytingar svo núna setur Inna inn dagsetningu sem er einum mánuði eftir skiladag. Til að breyta þessari dagsetningu þurfa kennarar að fara inn í stillingar verkefnisins í gegnum vefsvæðið Turnitin.com

Nánari upplýsingar um muninn á dagsetningunum varðandi verkefnaskilin á milli Innu og Turnitin er hægt að sjá á vefslóðinni: http://turnitin.hi.is/fraedsla/inna/kennarar/munurinn-a-dagsetningum-i-innu-og-turnitin/